اللي يبغى يناقش يخش .. غيرهـ .. يتقهوى فيذاك ..( الحلقة الثانية )

السلام عليكم ورحمة الله وبركاته

صراحتن عجبني هالقسم هههههههههه

اطلق من الموقلعين هناك يجي احد يسفل فيك ويمشي

الموهم ..

موضوع حلقتنا هذي الحزة هو عن ردات الفعل

همان الحين انت والا انتي مالت عليكم اغصان الجنة

اذا طبختوا كبسة والا شي وعازمن ربعك او جماعتك

اذا قدمت لهم صحن الاكل تلقاك تجلس تنتظر تعبيرات الوجه الشنيعة

بعض العبرات والتعبيرات :

1. واحد يقول ( اممم ) وجالس يهز براسه مثل ذا ويكمل اكل .

2. واحد قروي تلقى خشته مليانه زفر ومافيه امل تعرف ردة فعله هو جايع والا عاجبه الاكل

3. يجيك واحد يغمض عيونه تقل ماكل ليمونه مالت عليه مثل ذا ودك تصفقه بالتبسي هالـهههههههههههه

4. يجيك واحدن يفق خشته دليلن للاعجاب وانه خق مع البهارات والطعم ويسوي تسذا ( بعض الحالات النادرة يكون صاحب هالخشة دب مايعطيك علم هو عشانه جوعن اقشر والا شفاحة )

5. او يجيك واحد ياكل اول لقمة همن يرجع ظهرة ويقول نسيت اني متعشي ودك تقوم تمردس خشته بالتبسي وتكوفنة الين يعض الارض اللي مايستحي


الموهم والزوبدة اللي ابي اوصل لها ..

وش هي ردات الفعل وهل نعتبرها تقييم لاعمالنا من ناحية نجاحها من فشلها ؟

و كيف نتبعها في حياتنا اليومية لو كنت بنفس الموقف افضل طريقة لها انك تبتسم همن تروح تقول اكلك حلو همن تروح تزبد له زود ملح وبهار وتعطيه الحقيقة او تسكت

مابي اذكر كل النقاط اترك لكم مجال النقاش

واعتذر مرة ثانية لـ ام الخلاقين زبدة الموضوع انمسحت من نص الموضوع يوم علق المعفن الاكسبلورر وتشققت يومن سويت باك وقريت الكلام حسبته كله موجود

شرآبـ كحة

والله اذا انا في مكآن الشخص اللي هو العازم

رقم واحد بيكون تصرفه طبيعي ..

رقم ثنين بخليه براحته مسيكين وش اسوي فيه

رقم ثلآثه بقوله اذا عاجبك اهلن وسهلن واذا لا الافندي يستغيث

رقم اربعه هذا بحب راسه ,,

يعني عادي سواءآ اعجبهم او لآ هذي مقدرتي في الطبخ وش اسوي يعني

اخترع لهم من الفضاء

بعدين اصلآ عيب وشق جيب على قولة جدتي

ان الواحد يعيب على اي شي قدام الشخص نفسه يعني ماعجبك الاكل

انطم اذا طلعت بربر على راحتك اما تنكد على الشخص والله اللي مايستحي وجهه

مغسولن بمرق >>هدي يابو الشباب

اهلن اهلن ام الخلاقين ..

انا مدري هالحين وراه ماحد يفهم اللي ابي

اللي اقصده انتي وخشمك .. حق الكبسة هذا مثال و ( مدخل ) على قولتهم

الزوبدة اللي ابي نتكلم فيها ..

ردات الفعل وموقفها و اهميتها في تعاملاتنا اليومية من نظرتكم الشخصية كل واحد حسب نظرته

يعني ارجعي ردي الله لايهينتس مرتن ثانية

ياخي خل عنك التفلسف الي ماله دآعي لان طريقتك كذآ تشتت القارئ وتدخل به مدآخل ثانيه

في تفكيره ..صح طريقتك حلوه بس رتب الجمل وحط الموضوع في وسطه واكتب هذا موضوع النقآش

آلحين فهمت القصد بس استنى لين ارجع من الجامعه وآرد آلحين مآلي خلق آفكر واتفلسف

هذا اللي سويته مالت عليك اغصان الجنة يارب

اخر شي قلت اللي ابي نتكلم عنه

شرشحتني وانحاشت هههههههههه

افا والله اسف توني انتبه ان الموضوع ماكول نصه

ثواني اعدله

شاكرلك طرحك الخنفشاري

واشتقناء والله لها الاقلام المنسمه <<<< بيذب علي

مالحقت والله على الجزء الاول

بس والله الجزء الثاني

احنا يالعرب نحب الامثال كثير

علشان كذا بابدى سالفتي بمثل

الناس مالها الا الظاهر <<< مثل شعبي وارثه من امي

كلامك ينطبق على اي شخص تقابله تقيمه من تصرفاته وتعابير وجه

يعني مثلا لما تشوف الناس الصبحيه في ذا الزحمه <<< معاني كثير

تبداء تقيمهم بتعابيرهم اللي مابعد قام والي مكشر تقول مافطر

واللي يحرق دخان ومعصب تقول شكله متطاق مع المدام ... وزي كذا ( ... الخ)

بس هالكلام ماينطبق على الاشخاص القريبين منك

يعني بالمختصر المفيد لو خويك من النوع اللي وجه مكشر 24 ساعه

بتشوفه انت عادي بالنسبه للك بس شخص ثاني بيعتقد انه متضايق من شي

وبصراحه لازم نحاول نعكس الصوره الحقيقيه لنا من خلال تعابير الوجه <<<<< اموت على الاسلوب

يعني انا فيه ناس كثير لما يتعرف علي فتره بسيطه ويقولي ياكرهيلك اول دايم معقد وجهك وبعدين يتفاجاء

انه ضعف نظر بطريقه خفنششاريه

الزبده

نتمنى تستمر على هالاجزاء

تحياتي للك

بحبك

يـــا بوي ريــــح هــاهـ

اهلن اهلن

شوف يابعدي انت مدري وين شطحت له ههههههههههه

كل اللي قلته ياخلفهم مثال

والزوبدة في ردات الفعل ..

لان الموضوع اوب متكامل انمسح نصه ورجعت ارقع فيه راحت الافكار

همان انت مثلن عزمت رفيزك وقلت له تعال تقهو عندي

ردات الفعل هنا اوب لازم تكون بتعابير الوجه يمكن تكون بالحتسي

ويمكن تكون ردات فعل بأفعال ..

هنا كيف نقيم ردات الفعل ؟

وكيف تؤثر ردات الفعل علينا في يومياتنا ؟

ووشو تقهم لها هل هي شي طبيعي .. او معيار جودة العمل اللي سويناه ؟ او وشو مثلن ؟

:: يـــا بوي ريــــح هــاهـ ::

كلامك حلو وعجبني وانتظر عسى انك ترجع مرتن اخرى

وتعلق باللي اقصده ونتناقش فيه

حياك ربي

حلقه اليوم توي اشوفها >> اعاده >> بتغطي على 99

المهم انا رأيي من رأي انك من ذكائك ومعرفتك بقرأة التعابير >> الوجيه بترف

اذا هم متضايقين او مستانسين او باحلين

وبلا اسأله تحرج نفسك وتحرجهم